Nýtt merki 10okt.com

Opnaður hefur verið nýr vefur á slóðinni http://www.10okt.com og beinum við öllum heimsóknum þangað. geð10 vefurinn verður opin fram að 10. október en þá mun 10okt.com taka alfarið við.

Hlökkum til að sjá þig!

16.00 Setningarávarp Forseta Íslands

16.10 Kársneskórinn syngur nokkur lög

16. 25 Ósk Sigurðardóttir frá Barna og unglingageðdeild LSH

16. 35 Atriði frá Samfés

16. 45 Innlegg frá Götusmiðjunni.

17. 00  Leiklistardeild MH.

17. 15  Valgeir Skagfjörð frá Regnbogabörnum.

17. 30 Elín Eyþórsdóttir

17.45  Hanna Birna Kristjánsdóttir Borgarstjóri?

Kynnir verður Felix Bergsson.

Tónlistargagnrýnandi 24 stunda lýsir tónlist Elínar á eftirfarandi hátt: “Elín spilar og syngur blús á ensku af gamla skólanum með djúpri og sérstakri rödd sinni. Kyrrláta og tregafulla tóna með ljúfsárum textum er gætu alveg eins verið úr smiðju Suzanne Vega eða Joni Mitchell. Dýpt hennar og einlægur flutningur á án efa eftir að koma tónleikagestum á óvart.”

Elín á ekki langt að sækja tónlistarhæfileika sína þ.e. foreldrar hennar eru tónlistarmennirnir Ellen Kristjánsdóttir og Eyþór Gunnarsson.

16.10 Kársneskórinn syngur nokkur lög

16. 25 Ósk Sigurðardóttir frá Barna og unglingageðdeild LSH

16. 35 Atriði frá Samfés

16. 45 Innlegg frá Götusmiðjunni.

17. 00  Leiklistardeild MH.

17. 15  Valgeir Skagfjörð frá Regnbogabörnum.

17. 30 Ragnheiður Gröndal

17.45  Hanna Birna Kristjánsdóttir Borgarstjóri?

Kynnir verður Felix Bergsson.

Nánari upplýsingar um innihald erindanna verða veitt þegar nær dregur.

Dagskrá kyrrðarstundarinnar verður á þessa leið:

Marteinn Friðriksson, organisti leikur tónlist
Katrín Andrésdóttir segir frá reynslu sinni
Sr. Birgir Ásgeirsson flytur hugleiðingu og bæn

Vertu með í Alþjóðlega geðheilbrigðisdeginum 10 október

Heilbrigð samvera skiptir máli

•    Dagurinn er alþjóðlegur en hefur verið haldinn hér á landi síðan 1996. Markmiðið er að vekja athygli á mikilvægi geðheilsunnar og því að gott andlegt heilbrigði er undirstaða almennrar farsældar og vellíðunar. Það er ekkert heilbrigði án geðheilbrigðis.
•    Á hverju ári er valið sérstakt þema með hliðsjón af því hvað þykir mikilvægast að vekja athygli á og ræða opinberlega varðandi andlega líðan.
•    Þau efni sem hafa verið tekin fyrir á síðustu árum eru af ýmsum toga. Meðal annars hefur verið fjallað um andlegt álag sem fylgir búferlaflutningum milli menningarsvæða. Tengsl andlegrar og líkamlegrar heilsu og tengsl geðheilbrigðis og vinnu.
•    Í ár beinist athyglin að málefni ungs fólks með sérstakri áherslu á mikilvægi uppbyggjandi samveru. Hér er bæði átt við tengslin við foreldra sem og tengsl við vini og félaga.
•    Undanfarin ár hefur stuðningur frá atvinnulífinu gert kleift að standa fyrir metnaðarfullri dagskrá í tengslum við daginn. Að þessu sinni búum við að þeim góðu undirtektum sem við fengum á síðasta ári þegar betur áraði. Við teljum að nú þegar fréttir af erfiðu árferði eru fyrirferðarmiklar í fjölmiðlum sé mikilvægt að málefnið sem hefur verið falið í ár verði rætt sem víðast í samfélaginu. Því höfum við ákveðið að breyta út af vananum. Í stað þess a óska eftir fjárhagslegum stuðningi óskum við eftir því að fyrirtæki, stofnanir og hópar taki þátt í geðheilbrigðisdeginum og styðji þannig það átak sem við beitum okkur nú fyrir. Hægt er að leggja lóð sín á vogarskálarnar með ýmsum hætti í samráði við aðstandendur geðheilbrigðisdagsins en eftirfarandi eru drög að því hvernig þátttaka gæti farið fram.

Hugmyndir um þátttöku

a)    Þema Geðheilbrigðisdagsins í ár er mikilvægi uppbyggjandi samveru fyrir ungt fólk og fjölskyldur, t.d. mikilvægi þess að foreldrar eyði nægum tíma með börnum sínum.  Ef þið hafið áhuga á því að taka þátt þá látið þið vita með því að senda póst á skraning@10okt.com.  Ykkur verður síðan send stutt kynning á efni dagsins og punkta í tengslum við það sem þið eruð hvött til að ræða ykkar í millum.

b)    Að umræðu lokinni ákveðið þið verkefni sem þið viljið ráðast í í sameiningu í tengslum við daginn. Menn hafa frjálsar hendur um hvað þeir velja að gera að öðru leiti en því að verkefnið á að leggja áherslu á eitthvað sem hópnum finnst uppbyggilegt og skemmtilegt að gera í sameiningu. Ekki er verra ef það tengist samveru með börnum og fjölskyldu.

c)    Möguleikarnir í þessu sambandi eru nánast ótæmandi. Til dæmis getur vinnustaður ákveðið að fara saman í gönguferð, sund, fengið til sín fyrirlesara, fengið aðila á staðinn til þess að kenna hugleiðslu eða slökun, farið í golf eða farið á kaffihús. Það mætti hugsa sér að starfsmenn fái að fara hálftíma fyrr heim úr vinnunni til að vera með börnunum. Eða að barnafólk fái leyfi til að taka börnin með sér í vinnuna einhvern tiltekinn tíma.  Þetta er aðallega spurning um ímyndunarafl og hvað fólki langar til að gera.

d)    Ef menn geta ekki fellt sig við neina hugmynd er líka hægt að tengjast þeim viðburðum sem þegar eru í gangi í tengslum við 10 okt. Nefna má að allar félagsmiðstöðvar landsins ætla að gera málefninu verðug skil, einnig er útlit fyrir góða þátttöku meðal grunnskóla, framhaldsskóla og fleiri aðila sem vinna með ungu fólki.

Í Reykjavík eru að minnsta kosti þrír atburðir í beinum tengslum við 10. okt  sem hægt er að taka þátt í.

1. Dagskrá í Perlunni á geðheilbrigðisdaginn þann 10.okt. Hér er um að ræða blöndu af skemmtiatriðum og erindum sem eru unnin útfrá þema dagsins. Samtímis því sem dagskráin fer fram munu ýmsir af þeim aðilum sem vinna með ungu fólki kynna starfsemi sína. Þátttaka gæti falist í því að fjölmenna á þennan atburð.

2. Þann 11. okt verður síðan haldið Geðhlaup í Nauthólsvík í samvinnu við ÍSÍ.  Þátttökugjald er 1000 kr, þær vegalengdir sem eru í boði eru 2 km og 10 km.

3. Skákmót í Perlunni. Þátttaka í þessum viðburði er ókeypis en síðustu ár hafa veglegir bókavinningar verið í boði fyrir þá hlutskörpustu.

Á Akureyri munu félagsmenn í Hugarafli að vekja athygli á Geðheilbrigðismálum á Glerártorgi, möguleg þáttaka í deginum gæti því verið að sýna samstöðu með þeim og mæta þangað.

e)    Æskilegt er að þau verkefni sem menn ákveða að ráðast í verði hrint í framkvæmd  vikuna 6 – 10 október. Markmiðið er bæði vekja athygli á geðheilbrigðisdeginum í aðdraganda hans sem og að sýna gildi uppbyggjandi samveru í verki. Ef fyrirtækið þitt getur nýtt sér þetta í PR skyni er það það hið besta mál þ.e. slíkt myndi hjálpa okkur að vekja athygli á deginum og málefninu. Undirbúningshópurinn mun fylgjast með atburðunum, greina frá þeim á heimasíðu sinni www.10okt.com auk þess að senda út fréttatilkynningar sem greina frá viðburðunum.

f)    Ein leið til þess að lífga upp á umfjöllunina gæti verið að þátttakendur sendu mynd af hópnum (t.d. mynd af hópfaðmlagi) til birtingar á heimasíðu dagsins. Ef vilji væri fyrir því væri einnig hægt að senda slíkar myndir áfram til fjölmiðla samfara umfjöllun um viðburði. Önnur leið væri að viðkomandi hópur sendi mynd af einhverju sem þeim þætti táknrænt fyrir málefnið, þ.e. samveruna.

g)    Þeim fyrirtækjum sem taka þátt býðst einnig að hafa merki dagsins á heimasíðu sinni þannig að þeir sem heimsækja síðuna sjá að fyrirtækið leggji góðu málefni lið. Þátttakendur fá einnig merki sitt á veggspjald dagsins sem verður notað til þess að auglýsa hann.

h)    Ef fyrirtæki vilja styrkja framtakið fjárhagslega býðst þeim að gera það með því að kaupa stuttermaboli sem prentaðir eru í tilefni dagsins á sanngjörnu verði, 1000 kr stykkið. Slíkur styrkur er þó á engan hátt skilyrði fyrir þátttöku.

Frekari upplýsingar um daginn er hægt að fá upplýsingar með því að senda póst á netfangið. upplysingar@10okt.com eða á bloggsíðu dagsins www.ged10.wordpress.com. Einnig er hægt að fá upplýsingar um daginn á Facebook, fyrir þá sem hafa aðgang að slíku, með því að skrá sig í hópinn Alþjóða geðheilbrigðisdagurinn 10 okt. Heimasíða dagsins er í vinnslu en greint verður frá opnun hennar þegar nær dregur. Slóð síðunnar verður www.10okt.com.

Aðstandendur Alþjóðageðheilbrigðisdagsins í ár eru eftirfarandi:
Hugarafl, Geðhjálp, Klúbburinn Geysir, Rauði Krossinn, Lýðheilsustöð, Landlæknisembættið, Samfés, Umboðsmaður Barna, Barnaverndarstofa, Velferðarsvið Reykjavíkurborgar, BUGL, Fulltrúi notenda á geðsviði LSH.

Geðhjálp mun á næstunni gefa út geisladisk í því skyni að fjármagna starfsemi sína. Líklegt er að haldnir verði tónleikar í tengslum við útgáfu hans. Ef af verður munu tónleikarnir verða haldnir einhverja daganna fyrir geðheilbrigðisdaginn eða rétt á eftir. Ekki þykir vænlegt að halda tónleika 10 október þ.e. þá verða haldnir minningartónleikar um Vilhjálm Vilhjálmsson. Því er hætt við að kraftar tónlistarfólks sem og athygli áhorfenda og fjölmiðla beinist að þeim viðburði. Auk þess hafa aðstandendur Geðheilbrigðisdagsins hafa skipulagt dagskrá í Perlunni fyrr sama dag. Meira verður fjallað um fyrirhugað tónleikahald þegar málin skýrast.